बझाङ । बझाङमा एक गर्भवती महिलाको बिचबाटोमै मृत्यु भएको छ । जिल्लाको केदास्युँ गाउँपालिकाकी २१ वर्षीया सविता बोहराको मृत्यु भएको हो ।

केदारस्युँ गाउँपालिका–१ डुडिलकी बोहराको अस्पताल लैजाने क्रममा सोमबार बीचबाटोमै मृत्यु भएको बताइएको छ । उनलाई व्यथा लागेपछि हिँडाले रै अस्पताल लगिदैँ थियो ।

तर बिचबाटोमै उनले बच्चा जन्माएकी थिइन । त्यसपछि अत्यधिक रक्तस्रावका कारण उनको मृत्यु भएको बताइएको छ ।

बच्चा जन्मिएको केही समयमै दुबै जनाको मृत्यु भएको वडाअध्यक्ष वीरबहादुर भण्डारीले जानकारी दिए । घटना थाहा पाएपछि गाउँपालिकाबाट एम्बुलेन्स पठाइए पनि आमा र शिशुलाई बचाउन नसकिएको बताइएको छ ।