कपिलवस्तु । बलात्कार मुद्दामा १२ वर्ष कैद सजाय तोकिएका एक जना फरार प्रतिवादीलाई कपिलवस्तु प्रहरीले पक्राउ गरेको छ ।

पक्राउ पर्नेमा कपिलवस्तुको बुद्धभूमि नगरपालिका– ९ का टमाटर भनिने लालबहादुर यादव छन् ।

इलाका प्रहरी कार्यालय गोरुसिंहेवाट खटिएको प्रहरीले यादवलाई सोमबार पक्राउ गरेको थियो । जिल्ला अदालतले २०८० मंसिर २५ गते बलात्कार मुद्दामा दोषी ठहर गर्दै १२ बर्ष कैदको फैसला सुनाएको थियो ।

जिल्ला प्रहरी कार्यालय कपिलवस्तुका प्रहरी निरीक्षक माधव विश्वकर्माका अनुसार पक्राउ परेका यादवलाई सोमबार नै जिल्ला अदालतमा पेश गरिएको थियो ।