कञ्चनपुर । कञ्चनपुरबाट जुवातास खेलिरहेको अवस्थामा प्रहरीले १० जनालाई पक्राउ गरेको छ ।

जिल्लाको बेदकोट नगरपालिका-१० सिसैया क्षेत्रबाट सोमबार बेलुका प्रहरी चौकी सुडाबाट खटिएको टोलीले बिक्रम बोहराको घरको माथिल्लो तलामा छापा मारी पक्राउ गरेको हो ।

पक्राउ परेका व्यक्तिहरूमा घरधनी बिक्रम बोहरासहित १० जना रहेका छन् । प्रहरीले घटनास्थलबाट नगद रु. १८ हजार ४२२ र ३ गड्डी तास बरामद गरेको जनाएको छ।

प्रहरीले पक्राउ परेकाहरूविरुद्ध आवश्यक अनुसन्धान अघि बढाएको छ ।