काठमाडौं । राष्ट्रिय स्वतन्त्र पार्टीका सभापति रवि लामिछानेको हिरासतभित्र सुतिरहेको तस्वीर सार्वजनिक गरेको आरोपमा पक्राउ परेका निकोलस भुसाल छुटेका छन् ।

आइतबार साँझ काठमाडौंबाट पक्राउ परेका उनलाई बाहिरै राखेर अनुसन्धान गर्नेगरी हिरासतमुक्त गरिएको हो ।

उनलाई सोमबार बिहानै पोखरा लगिएको थियो । उनले लामिछानेको सुतिरहेको तस्वीर आफूले सार्वजनिक गरेको स्वीकार गरेका थिए ।

हिरासत कक्षको फोटो सार्वजनिक भएपछि प्रहरीको आलोचना भएको थियो ।