एजेन्सी । अमेरिकाको म्याडिसन शहरको एक विद्यालयमा सोमबार भएको गोलीकाण्डमा दुई जनाको मृत्यु भएको छ भने अन्य चार जना घाइते भएका छन् ।

प्रहरीका अनुसार घटनामा संलग्न आक्रमणकारीको पनि मृत्यु भइसकेको छ ।

प्रहरीले घटनास्थलबाट एक हाते झोला बरामद गरेपनि कारण अझै पत्ता लगाएको छैन ।

घटनाबारे थप विवरण प्राप्त गर्न म्याडिसन प्रहरीले प्रत्यक्षदर्शीहरूलाई बयानका लागि आह्वान गरेको छ।