काठमाडौं । वेष्टइण्डिजका चर्चित क्रिकेटर ब्रायन लारा आज नेपाल आउँदै छन् ।

नेपाल प्रिमियर लिग हेर्न वेष्टइन्डिजका पूर्वकप्तान समेत रहेका ब्रायन नेपाल आउन लागेका हुन् ।

उनले त्रिवि मैदानमा गएर एनपीएलका केही खेलहरु हेर्ने छन् भने क्रिकेट खेलाडीहरुसँग साक्षात्कारसमेत गर्नेछन् ।

उनी एनपीएल फाइनलसम्म भने बस्ने छैनन् । लाराको आगमनलाई क्यानले विशेष महत्त्व दिएको छ।

यसले नेपाली क्रिकेट समर्थकमा उत्साह मात्र नभरी नेपाली क्रिकेटको महत्त्व अझ बढाउने क्यानको विश्वास छ।