काठमाडौं । नेकपा एमालेले उपनिर्वाचनमा कीर्तिपुर नगरपालिका र काठमाडौं-१६ को नतिजा अनपेक्षित आएको निष्कर्ष निकालेको छ ।

नेकपा एमालेको आज बसेको केन्द्रीय सचिवालय बैठकले सो निष्कर्ष निकालेको हो । यस नतिजालाई एमालेले गम्भीरतापूर्वक लिएको उपमहासचिव प्रदीप ज्ञवालीले बताए ।

यसअघि एमालेले जितेका ७ वटा वडामा पद रिक्त भएकोमा यस पटक एक गाउँपालिका अध्यक्ष र २ उपाध्यक्ष समेत थपिएकोले उपनिर्वाचन उपलब्धीपूर्ण भएको उनले बताए ।

दुई वर्षको बीचमा राजनीतिक दलप्रतिको जनमत फरक देखिएको र सहरी क्षेत्रमा सोचेको जस्तो परिणाम नआएको बैठकले निष्कर्ष निकालेको छ ।