काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई अनुसन्धानका लागि पर्साको वीरगञ्ज पुर्‍याइएको छ ।

रविलाई पोखराबाट सोमबार जहाजमा काठमाडौं हुँदै सिमरा ल्याएर गाडीमा वीरगञ्ज लगिएको हो । 

रवि सिमरा विमानस्थलमा झरेलगत्तै रास्वपाका कार्यकर्ताहरूले उनको पक्षमा नाराबाजी गरे ।

वीरगञ्जमा रहेको सानो पाइला सहकारी संस्थाको रकम गोर्खा मिडियामा लगेर अपचलन गरेको आरोपमा सरकारी वकिल कार्यालयमा बयानका लागि रविलाई लगिएको हो ।