एजेन्सी । इंग्लिस प्रिमियर लिगमा आर्सनलले बराबरी खेल्दा चेल्सी विजयी भएको छ । गएराति भएको खेलमा आर्सनलले फुलहमसँग १-१ गोलको बराबरी खेल्दा चेल्सीले टोटनहमलाई ३-४ गोलले पराजित गरेको हो।

क्राभेन कटेजमा फुलहमका जिमिनेजले ११ मिनेटमा सानदार गोल गर्दा पहिलो हाफमा आर्सनल पछि परेको थियो।

आर्सनलका विलियम सालिबाले ५२ मिनेटमा गरेको गोल निर्णायक बन्दा खेल १-१ को बराबरीमा सकिएको थियो।

अर्को खेलमा चेल्सीले टोटनहमलाई उसकै घरमा पराजित गरेको थियो। चेल्सीको जितमा कोल पाल्मरले पेनाल्टीमार्फत दुई गोल गरे। जाडोन स्यान्चो र इन्जो फर्नान्डेजले एक/एक गोल गरे।

चेल्सीले १५ खेलबाट ३१ अंक जोड्दा आर्सनलको २९ अंक छ। एक खेल कम खेलेको लिभरपुलको ३५ अंक छ। लिभरपुलले १५ औं खेल फुलहमसँग शनिबार खेल्नेछ।