मन्थली । जिल्ला प्रहरी कार्यालय रामेछापले आत्महत्या दुरुत्साहन आरोपमा २ जनालाई पक्राउ गरेकाे छ ।

रामेछापको मन्थली नगरपालिका भटौलीका प्रधानाध्यापक भोजबहादुर भण्डारीलाई आत्महत्या गर्न दुरुत्साहन गरेको आरोपमा प्रहरीले मन्थली नगरपालिका-७ भटौलीका सहदेव मगर र गुणराज तामाङलाई पक्राउ गरिएकाे प्रहरीले जनाएकाे छ ।

भण्डारीका परिवारले दर्ता गराएको जाहेरीमा किटान गरेका अर्का एक व्यक्ति फरार रहेका छन् । उनको खोजी भइरहेको प्रहरीले जनाएको छ ।

मन्थली नगरपालिका ७ भटौलीको कालिका देवी आधारभूत विद्यालयका प्रधानाध्यापक भण्डारी मन्थलीमा रहेको आफ्नै निवासमा झुण्डिएको अवस्थामा बुधबार बिहान मृत फेला परेका थिए ।

आफूलाई भ्रष्टाचारी र चोरको आरोप लगाउँदा खप्न नसकेर मर्नुपरेको व्यहोरा खुलाई लेखेको कागज भण्डारीको शव नजिकै प्रहरीले फेला पारेको थियो ।