अछाम । अछामको चौरपाटी गाउँपालिका-३ गगुडाका आगलागी पीडित परिवारलाई राहत वितरण गरिएको छ ।

समविकास नेपालले आगलागीबाट घर नष्ट भएका पारू साउदको परिवारलाई करिब २० हजार बराबरको राहत सामग्री सहयोग गरेको हो ।

समविकासद्धारा सञ्चालित महिला सशक्तिकरण परियोजना अन्तर्गत आगलागी पीडित परिवारलाई राहत सामग्री हस्तान्तरण गरिएको बताइएको छ । बुधबार गाउँपालिकाका उपाध्यक्ष सरदेबी खड्का र समविकास नेपालका प्रतिनिधिसहितको टोलीले सोही स्थानमा पुगेर राहत सामग्री हस्तान्तरण गरेको थियो ।

पीडित परिवारलाई राहत स्वरुप चामल, दाल, तातो लुगा, ब्ल्याकेट, चिनी, चियापत्ती, तेल, नुन लगायत करिब २० हजार बराबरको राहत सामग्री हस्तान्तरण गरिएको समविकास नेपालले जनाएको छ ।

सहयोग हस्तान्तरण कार्यक्रममा पालिकाका उपाध्यक्षसहित वडा नम्बर ३ का अध्यक्ष बिरेन्द्र साउँद, प्रमुख प्रशासकीय अधिकृत धन बहादुर थापा अन्य जनप्रतिनिधि, समविकास नेपालका प्रतिनिधि र स्थानीयको सहभागिता रहेको थियो ।