काठमाडौं । एसीसी यू-१९ एसिया कपमा नेपालले आफ्नो पहिलो खेलमा श्रीलंकाविरुद्ध फिल्डिङ गर्ने भएको छ ।

युएईमा आजदेखि सुरु भएको एसीसी यू-१९ एसिया कपमा श्रीलंकाविरुद्ध टस जितेर नेपाले पहिले फिल्डिङ गर्ने निर्णय लिएको हो।

राष्ट्रिय टिमबाट खेलिसकेका पेस बलर हेमन्त धामीको कप्तानीमा रहेको नेपाली टोली बुधबार यूएई पुगेको थियो ।

नेपालको मुख्य प्रशिक्षकमा शक्ति गौचन छन् । नेपाल गतवर्ष मलेसियामा भएको एसिसी प्रिमियर कपको शीर्ष ३ मा रहेर एसिया कपका लागि छनोट भएको हो।

नेपाल रहेको समुह बी मा श्रीलंकासँगै बंगलादेश र अफगानिस्तान छन्। समुह ए मा भारत, पाकिस्तान, जापानसँगै आयोजक युएई रहेको छ।