काठमाडौं । नेपाल प्रहरीको प्राविधिक प्रहरी समूहअन्तर्गत स्वास्थ्य उपसमूहमा चार जना चिकित्सकलाई प्रहरी वरिष्ठ उपरीक्षक (एसएसपी) पदमा बढुवा सिफारिस गरिएको छ ।

बिहीबार बसेको बढुवा समितिको बैठकले चारजना एसपीलाई एसएसपीमा बढुवा सिफारिस गरेको हो ।

बढुवा सिफारिस हुनेमा डा.केदार खड्गी, डा.छन्द बहादुर बुढाथोकी, डा.पवन कुमार राय र डा. सुवर्ण कुँवर रहेका छन् ।

प्रहरी नियमावली, २०७१ (संशोधनसहित) को नियम २७ को उपनियम (४) बमोजिम बढुवा सूची सार्वजनिक गरिएको बताइएको छ ।