काठमाडौं । वन तथा वातावरणमन्त्री ऐनबहादुर शाही र दक्षिण कोरियाका राजदूत पार्क टेइयंगबीच शिष्टाचार भेटवार्ता भएको छ।

भेटवार्तामा वनमन्त्री शाहीले दक्षिण कोरिया र नेपालबीचको सम्बन्धलाई मजबुत बनाउन नेपाल सरकार तयार भएको हो ।

सोही भेटमा वनमन्त्री शाहीले दक्षिण कोरियाले नेपालका लागि विकास निर्माणमा सहयोग गरिरहेको र आगामी दिनमा कोरियाले नेपालको विकास निर्माणमा सहयोग गर्ने अपेक्षा रहेको बताए।

उनले कोरिया सरकारले नेपालका हजारौं युवालाई रोजगारी प्रदान गरिरहेको र नेपालले कोरियालाई पूर्ण सहयोग गर्नेसमेत बताए ।