काठमाडौं । अनलाइन बेटिङ प्लेटफर्म वानएक्स बेटमा सट्टाबाजी गर्न रकम लगाउने र संकलन गर्ने एक जनालाई प्रहरीले पक्राउ गरेको छ ।

पक्राउ पर्नेमा ललितपुरको महालक्ष्मी नगरपालिका–१ मा बस्दै आएका पाँचथर घर भएका सुनिल राई रहेका छन् ।

राईलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।

उनले ५५ करोड २० लाख ८४ हजार आर्थिक कारोबार गरेको भेटिएको छ ।

राई वानएक्स बेटको एजेन्ट रहेको र उनले सट्टेबाजी गराउने गरेको प्रहरीको प्रारम्भिक अनुसन्धानबाट खुलेको छ ।