काठमाडौँ । राष्ट्रिय स्वतन्त्र पार्टीका सभापति रवि लामिछानेलाई मंगलबार बयानका लागि काठमाडौँ ल्याइने भएको छ ।

सहकारी ठगीको अभियोगमा पक्राउ परेका रविलाई पोखरामा बयान सकिएसँगै काठमाडौँ ल्याउन लागिएको हो ।

उनलाई स्वर्णलक्ष्मी सहकारी ठगीमा अनुसन्धानका लागि काठमाडौँ ल्याउन बुद्ध एयरको मंगलबार बिहान साढे आठ बजेको टिकट बुकिङ गरिएको बताइएको छ ।

कास्की जिल्ला अदालतले आइतबार थप १५ दिन हिरासतमा राखेर अनुसन्धान गर्न अनुमति दिएपछि उनलाई काठमाडौँ ल्याउन लागिएको प्रहरीले जनाएको छ ।