काठमाडौं । स्थानीय तह उपनिर्वाचन अन्तर्गत आज उम्मेदवारको अन्तिम नामावली प्रकाशन गरिने भएको छ ।

निर्वाचन आयोगले उम्मेदवारलाई नाम फिर्ता लिनको लागि बिहान ९ बजेदेखि दिउँसो १ बजेसम्मको समय दिइएको छ ।

त्यसपछि, दिउँसो १ देखि ३ बजेसम्म अन्तिम नामावली प्रकाशन गर्ने आयोगको तयारी छ।

दिउँसो ३ देखि ५ बजेसम्म उम्मेदवारलाई निर्वाचन चिह्न वितरण गरिने जनाएको छ । मतदान यहीँ मंसिर १६ गते बिहान ७ बजेदेखि अपराह्न ५ बजेसम्म हुनेछ।

कुल ४४ पदका लागि ४१० जनाले उम्मेदवारी दिएका छन् ।