काठमाडौं। मेडिकल व्यवसायी दुर्गा प्रसाईं पक्राउ परेका छन् ।

प्रसाईंलाई प्रहरीको केन्द्रीय अनुसन्धान ब्यूरो (सिआइबी)को टोलीले भक्तपुरस्थित निवासबाट पक्राउ गरेको हो ।

प्रधानमन्त्री केपी शर्मा ओलीको विदेशमा लगानी रहेको भन्दै फेक डकुमेन्ट सार्वजनिक गरेको अभियोगमा उनलाई पक्राउ गरिएको सिआइबी स्रोतले बतायो ।

प्रसाईंले कम्बोडियाको टेलिकममा प्रधानमन्त्री ओलीको साढे ३२ अर्ब लगानी रहेको भन्दै भिडिओ कलमार्फत कसैले देखाएको कागजात सार्वजनिक गरेका थिए।

यसअघि उनी असोज ६ गते पनि पक्राउ परेका थिए । सामाजिक सञ्जालमा एक महिलाको चरित्रहत्या गरेको उजुरीको आधारमा साइबर ब्युरोले उनलाई पक्राउ गरेको थियो ।