एजेन्सी । भारतको उत्तर प्रदेशस्थित एक मेडिकल कलेजमा भीषण आगलागी भएको छ ।

उत्तर प्रदेशको झाँसीस्थित महारानी लक्ष्मीबाई मेडिकल कलेजमा गएराति भीषण आगलागी हुँदा १० बालबालिकाको मृत्यु भएको हो ।

अस्पतालको नवजात शिशु सघन उपचार कक्ष (एनआईसीयू) मा आगलागी भएको बताइएको छ ।

झाँसीका जिल्ला मजिस्ट्रेट अविनाश कुमारले १० बालबालिकाको मृत्यु भएको पुष्टि गरेका छन् ।

एनआईसीयू भित्रको युनिटमा सर्ट सर्किटका कारण राति पौने ११ बजे आगलागी भएको थियो ।