काठमाडौँ । परराष्ट्रमन्त्री डा. आरजु राणा चीन भ्रमणमा जाँदै छिन् ।

प्रधानमन्त्री केपी शर्मा ओलीको औपचारिक चीन भ्रमणको पूर्वतयारीका लागि उनी चीन भ्रमणमा जान लागेकी हुन् ।

प्रधानमन्त्री ओली मङ्सिर १७ देखि २१ गतेसम्म चीनको राजकीय भ्रमणमा जाँदैछन् ।

परराष्ट्रमन्त्री राणा मङ्सिर दोस्रो साता चीन जाने गरी मन्त्रालयले तयारी थालेको बताइएको छ । चीनका विदेशमन्त्री वाङ यीको निमन्त्रणामा उनको चीन भ्रमण हुन लागेको हो ।