अर्घाखाँची । अर्घाखाँचीको सन्धिखर्कमा भारतीय कार दुर्घटना हुँदा एक जनाको मृत्यु भएको छ ।

सन्धिखर्क नगरपालिका-११ डिभर्नामा आइतबार साँझ भारतीय नम्बर प्लेटको एचआर ५५ एयु ८७९३ नम्बरको कार दुर्घटना हुँदा उनको घटनास्थलमै मृत्यु भएको हो ।

मृतक अर्घाखाँचीकै मालारानी गाउँपालिका-७ टिमुरे का २६ वर्षीय नवीन नेपाली रहेका प्रहरीले जनाएको छ ।

मालारानीबाट सन्धिखर्क आउँदै गरेको कार दुर्घटना भएको बताइएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।