काठमाडौं । गृहमन्त्री रमेश लेखकले चाडपर्वको सामाजिकसँगै मानवीय महत्त्व रहेको बताएका छन् ।

‘पर्वत चन्द्रागिरि समाज’द्वारा दीपावली, नेपाल संवत् र छठ पर्वको अवसरमा आज आयोजित शुभकामना आदानप्रदान कार्यक्रममा गृहमन्त्री लेखकले यस्तो बताएका हुन् ।

उनले चाडपर्वले परिवार र समाजलाई जोड्ने काम गरेको बताए ।

एउटा परिष्कृत समाज निर्माणका लागि चाडपर्व जरुरी रहेको उल्लेख गर्दै गृहमन्त्री लेखकले चाडपर्वको अवसरमा जमघट र भेलामा उपस्थित हुने कुराको आफैंमा ठूलो महत्त्व रहेको बताए ।