काठमाडौं । राष्ट्रिय स्वतन्त्र पार्टी (रास्वपा)का नेता हरि ढकालले पक्राउ परेका नेता–कार्यकर्ता आधा घण्टामा नछुटे सशक्त आन्दोलन गर्ने चेतावनी दिएका छन् ।

नेता ढकालले पक्राउ परेका नेता कार्यकर्तालाई आधा घण्टाभित्र छाड्न अल्टिमेटम दिएहा हुन् ।

सांसद ढकालले भने‚‘आधा घण्टाको बिचमा प्रहरीले हाम्रा साथीहरू छुटाएनन् भने हाम्रो आजको आन्दोलन सशक्त पार्छौँ।’

कार्तिक २ गते सभापति रवि लामिछाने सहकारी ठगी र सङ्गठित अपराध कसुरमा पक्राउ गरेको विरोधमा रास्वपाले सडक आन्दोलन गरिरहेको छ ।

सो क्रममा आज बालुवाटार केन्द्रित आन्दोलन गरिरहेको छ । आन्दोलनको क्रममा निषेधित क्षेत्र तोड्न खोजेपछि प्रहरीले रास्वपा सांसद अशोककुमार चौधरीसहित १७ जना नेता–कार्यकर्तालाई पक्राउ गरेको छ ।