अछाम । अछाममा ६ जना जुवाडे पक्राउ परेका छन् । जिल्लाको मंगलसेन नगरपालिका-५ स्थित होम नाथ अधिकारीले सञ्चालन गरेको ‘गण्डकी शिर्ष बाबु होटल एण्ड लज’ को कोठामा जुवातास खेलिरहेको अवस्थामा प्रहरीले ६ जनालाई पक्राउ गरेको हो ।

जिल्ला प्रहरी कार्यालय अछामको टोलीले गोप्य सूचनाको आधारमा आइतबार राति १२ः४५ बजे छापामारी गरी उनीहरूलाई नियन्त्रणमा लिएको बताइएको छ ।

पक्राउ परेकाहरूमा कास्की घर भई मंगलसेनमा व्यवसाय गर्दै आएका २७ वर्षीय कमल बहादुर शाही प्रमुख अभियुक्तको रूपमा रहेका छन्।

प्रहरीले घटनास्थलबाट नगद रु ६९ हजार ६५५ रुपैयाँ, ७ थान मोबाइल फोन, र १ गड्डी तास बरामद गरेको छ। पक्राउ परेका व्यक्तिहरूलाई आवश्यक अनुसन्धानका लागि जिल्ला प्रहरी कार्यालय अछाममा राखिएको छ ।