काठमाडौं । नेपाल क्रिकेट सङ्घ (क्यान) ले ‘हङकङ क्रिकेट सिक्सेस’ का लागि नेपाली टोली घोषणा गरेको छ ।

क्यान ले सन्दीप जोराको कप्तानीमा सात सदस्यीय टोली घोषणा गरेको हो ।

नेपाली टोलीमा जोरासँगै नारायण जोशी, प्रतिस जिसी, रशिद खान, लोकेश बम, विवेक यादव र दीपेन्द्र रावत छन् । नेपाली टोलीको प्रशिक्षकमा पूर्वक्रिकेटर ज्ञानेन्द्र मल्ल छन् ।

हङकङ क्रिकेट सङ्घको आयोजनामा हुने प्रतियोगिता आउँदो नोभेम्बर १ देखि ३ सम्म हङकङमा हुनेछ । ‘हङकङ क्रिकेट सिक्सेस’ मा नेपाल समूह ‘बी’ मा छ ।

प्रतियोगितामा टेस्ट क्रिकेट खेल्ने ८ सहित १२ वटा टोली छन् ।