काठमाडौं । उपत्यकामा दशैंको फूलपातीदेखि घटेको चहलपहल आजबाट पुनः बढ्न थालेको छ ।

काठमाडौं उपत्यकाका विभिन्न स्थानमा आज पनि टीका थाप्न जाने सर्वसाधारणको चलहपहल बढेको हो ।

दशैंमा सुनसान देखिएका काठमाडौंका सडकहरूमा अहिले सवारी साधनको संख्या विस्तारै बाक्लिन थालेको जिल्ला प्रहरी परिसर काठमाडौंले जनाएको छ ।

दशैंका लागि उपत्यका बाहिर गएकाहरु पनि काठमाडौं फर्किने क्रम जारी रहेको छ ।