म्याग्दी । बडा दशैंको नवमीमा बलि चढाइने सरकारी राँगोलाई मार हान्न पौने ५ लाखको बोलकबोल लागेको छ ।

म्याग्दीको रघुगङ्गा गाउँपालिका–२ को भगवती कोत मन्दिरमा नवमीमा बलि चढाइने सरकारी राँगो मार हान्नका लागि चार लाख ७१ हजारको बोलकबोल भएको हो ।

बिहीबार राति खुला बोलकबोलमार्फत कालरात्रिमा सरकारी राँगो मार हान्ने छिनोफानो गरिएको हो ।

करिब ४५ मिनेट चलेको बोलकबोलमा सहभागी तीनजनाको प्रतिस्पर्धामा रघुगङ्गा गाउँपालिका–३ अक्षताका सोवित भण्डारीले सबैभन्दा धेरै कबोल गरेको भगवती कोत मन्दिर पूजा व्यवस्थापन समितिले जनाएको छ ।