काठमाडौं । भुटान भ्रमणमा रहेका पूर्वराजा ज्ञानेन्द्र शाह स्वदेश फर्किएका छन् ।

चारदिने भुटान भ्रमण सकेर उनी आज बिहान स्वदेश फिर्ता भएका हुन् ।

भुटानी राजाको निम्तोमा पूर्वराजा ज्ञानेन्द्र ५ सदस्यीय टोलीसहित भुटानको औपचारिक भ्रमणमा गएका थिए । भुटान सरकारले पूर्वराजालाई विशेष स्वागत सत्कार गरेको थियो ।

पूर्वराजा शाहले भुटानी राजा जिग्मे खेसर नाम्गेल वाङचुकसँग शनिबार भेटवार्ता गरेका थिए ।

भुटानी राजाले नेपालका पूर्वराजालाई न्यानो अंकमालसहित स्वागत गरेका थिए ।