काठमाडौं । हालैको बाढीपहिरोमा परी घाइते भएकामध्ये एक सय आठ जनाको शल्यक्रियाबाट उपचार गरिएको छ ।

स्वास्थ्य तथा जनसंख्या मन्त्रालयका अनुसार शल्यक्रिया गरिएकामध्ये ३५ जनाको उपचार भइसकेको र ७३ जना डिस्चार्ज हुने क्रममा रहेका छन् ।

घाइतेमध्ये पाँच सय ६२ जनाको बहिरंग विभागमा उपचार गरिएको र एक सय आठजनालाई भर्ना गरी शल्यक्रिया नै गर्नु परेको मन्त्रालयले जनाएको छ।

बाढीपहिरोका सबै घाइतेको उपचार निःशुल्क भइरहेको मन्त्रालयले जनाएको छ। बाढीपहिरोमा परी ज्यान गुमाएका परिवारजनप्रति मन्त्रालयले समवेदना व्यक्त गरेको छ।