एजेन्सी । इजरायली सेनाले लेबनानको राजधानीमा हिजबुल्लाहको खुफिया मुख्यालयमा हमला गरेको छ ।

इजरायली सेनाले हिजबुल्लाहको गढहरूमा बमबारी गरिरहेको छ । इजरायली सेनाले ‘बेरुतमा हिजबुल्लाहको खुफिया मुख्यालयसँग सम्बन्धित लक्ष्यहरूमा’ आक्रमण गरेको बताएको छ ।

हिजबुल्लाहको प्रभुत्व रहेको लेबनानभरका क्षेत्रहरूमा बमबारीपछि दक्षिणी लेबनानका केही भागमा आफ्ना सैनिकहरूले ‘स्थलगत छापा’ थालेको इजरायलले यसै साता घोषणा गरेको थियो ।

लेबनानको स्वास्थ्य मन्त्रालयका अनुसार बमबारीबाट एक हजारभन्दा बढीको मृत्यु भएको छ र आर्थिक तथा राजनीतिक संकटमा फसेको मुलुकमा लाखौँ मानिसलाई आफ्नो घर छाड्न बाध्य भएका छन् ।