काठमाडौं । ललितपुर महानगरपालिकाले नख्खु खोलामा आएको बाढीमा बगिरहेका दुई जनालाई बचाएका चणिकलाल तामाङलाई नगदसहित सम्मान गरेको छ ।

बुधवार महानगरमा आयोजित कार्यक्रममा नगर प्रमुख चिरीबाबु महर्जनले तामाङलाई एक लाख रुपैयाँ नगदसहित सम्मानपत्र गरेका हुन् ।

यसअघि महानगरको कार्यपालिकाको पछिल्लो बैठकले तामाङलाई सम्मानसहित पुरस्कृत गर्ने निर्णय गरेको थियो ।

तामाङले असोज १२ गते नख्खु खोलामा आएको बाढीमा बगेका दुई जनाको उद्धार गरेका थिए ।