ताप्लेजुङ । ताप्लेजुङको सिरिजङ्गा गाउँपालिका-३ का वडाध्यक्ष दिलप्रसाद बोखिमले पदबाट राजीनामा दिएका छन् ।

११ महिनादेखि हङकङमा रहेका उनले गाउँपालिका अध्यक्ष मार्फत जिल्ला निर्वाचन कार्यालय ताप्लेजुङलाई पत्र मार्फत जानकारी दिँदै राजीनामा दिएका हुन् ।

उनले शारीरिक अस्वस्थता र घरायसी कारणले विदेशबाट फर्कन नसक्ने जानकारी गराए ।

वैदेशिक रोजगारीको क्रममा बोखिम विगत ११ महिनादेखि हङकङमा छन् ।

अस्वस्थताका कारण तत्काल घर फर्कन नसक्ने अवस्थामा पुगेको भन्दै उनले यही असोज १८ गतेदेखि लागू हुने गरी राजीनामा दिएका हुन् ।