काठमाडौं । गृह मन्त्रालयले धादिङ र काभ्रेका प्रमुख जिल्ला अधिकारी(सीडीओ)को सरुवा गरेको छ ।

धादिङका प्रमुख जिल्ला अधिकारी राजेन्द्रदेव पाण्डे र काभ्रेका प्रमुख जिल्ला अधिकारी सूर्यप्रसाद सेडाईको सरुवा गरिएको हो ।

उनीहरूलाई मन्त्रालयमै काम गर्नेगरी सरुवा गरिएको गृह मन्त्रालयले जनाएको छ।

उनीहरूको ठाउँमा धादिङमा सुमन घिमिरे र काभ्रेमा उमेश ढकाललाई पठाइएको छ।

तीन दिन परेको अविरल वर्षाले काभ्रे र धादिङमा सबैभन्दा धेरै क्षति गरेको थियो ।

क्षति न्यूनीकरणमा भूमिका नखेलेको भन्दै उनीहरू सरुवा गरिएको गृह मन्त्रालय स्रोतले बतायो ।