काठमाडौं । झ्याप्ले खोलामा पुरिएको अर्को माइक्रोबस पनि भेटिएको छ ।

चितवनबाट काठमाडौं आइरहेको माइक्रोबस झ्याप्ले खोलाको पहिरोमा पुरिएको थियो ।

सशस्त्र प्रहरीका अनुसार उक्त हायस चितवनबाट आउँदै गरेको बा ३ ज १३४५ नम्बरको हायस रहेको खुलेको छ।

उक्त माइक्रोबसबाट ७ जनाको शव निकालिएको सशस्त्र प्रहरी बलले जनाएको छ ।

उक्त माइक्रोबसबाट २ महिला र ५ पुरुषको शव निकालिएको छ ।

पहिरोमा अन्य गाडीहरू पनि पुरिएको आशंकामा खोजी कार्य जारी रहेको सशस्त्र प्रहरी बलले जनाएको छ ।