काठमाडौं । खराब मौसमका कारण आन्तरिक उडान बन्द भएको छ ।

त्रिभुवन विमानस्थल स्रोतका अनुसार मौसम अनुकूल नहुँदा सबै उडानहरू रद्द भएका हुन् ।

बिहीबारदेखि आन्तरिकतर्फ कम्तीमा २ सय ३८ वटा उडान रद्द भएका छन् ।

खराब मौसमका कारण यति धेरै सङ्ख्यामा आन्तरिक उडान रद्द भएको यो पहिलो पटक रहेको दाबी गरिएको छ ।

पर्वतीय उडान, सुगम र दुर्गमका लागि दुईतर्फी गरेर शुक्रबार ३ सय १६ उडानको तालिका रहेकोमा ७८ मात्र उडान भएका छन् ।