काठमाडौं । नेपाल प्रहरीका प्रवक्ता तथा प्रहरी नायब महानिरीक्षक (डीआईजी) दानबहादुर कार्कीको दसैँ गीत सार्वजनिक भएको छ ।

कार्कीले लेखेको ‘दसैँ रमाइलो’ बोलको गीत शुक्रबार सार्वजनिक भएको हो । गीतमा गायक राजेशपायल राई र मेलिना राईले स्वर भरेका छन् ।

दीपक शर्माको संगीत, श्यामस्वेत रसाइलको एरेन्ज रहेको गीतको भिडियोमा दीपाश्री निरौला, प्रियंका कार्की र सरोज ओलीलाई फिचर्ड गरिएको छ ।

करणसिंह चासिरको छायांकन, भुपेन्द्र अधिकारीको सम्पादन रहेको गीतको भिडियो कोरियोग्राफी तथा निर्देशन जेरी भण्डारीले गरेका छन् ।