रुपन्देही। राष्ट्रपति रामचन्द्र पौडेलले पश्चिम नवलपरासीको सुस्तास्थित नारायणी नदिमाथि बनेको झोलुंगे पुलेको उद्घाटन गरेका छन्।

सुस्ता गाउँपालिका – ५ मा रहेको नारायणी नदीमा निर्माण भएको त्रिवेणी महेशपुर मल्टिस्पान झोलुंगे पुलको राष्ट्रपति पौडेलले उद्घाटन गरेका हुन् ।

झोलुंगे पुलले सुस्ता गाउँपालिका–५ को सकरदिनही र सोही वडाको सुस्ता गाउँलाई जोड्ने छ ।

एक हजार पाँच सय ७१ मिटर लामो र एक मिटर ६० सेन्टिमिटर चौडाइको पुलले सुस्ता वडा नम्बर ५ को दायाँ किनारमा रहेको सकरदिनही र बायाँ किनारमा रहेको सुस्ता गाउँलाई जोडेको छ।

निर्माण कम्पनी त्रिशूली आश्रय जेभी कन्स्ट्रक्सले साढे २३ करोड रुपैयाँको लागतमा गत असार अन्तिम साता पुल निर्माण सम्पन्न गरेको हो।