एजेन्सी । इजरायल र हिजबुल्लाहबीच युद्धको खतरा बढेपछि भारत र बेलायतले आफ्ना नागरिकलाई तत्काल लेबनान छाड्न निर्देशन दिएका छन् ।

इजरायलले हिजबुल्लाहलाई लक्षित गर्दै लेबनानमाथि आक्रमण तीव्र पारेको छ । बेलायती प्रधानमन्त्री किएर स्टार्मरले लेबनानमा रहेका आफ्ना नागरिकलाई तत्काल लेबनान छाड्न भनेका हुन्।

यसैबीच, भारतले पनि लेबनानमा रहेका आफ्ना नागरिकलाई तत्काल लेबनान छाड्न भनेको छ भने लेबनानको यात्रा नगर्न पनि आग्रह गरेको छ।

यसअघि, अस्ट्रेलिया, क्यानडा, फ्रान्स, जापान, सऊदी अरब, साउथ कोरिया र अमेरिकासहित विश्वका विभिन्न मुलुकले आफ्ना नागरिकलाई लेबनान छाड्न निर्देशन दिइसकेका छन् ।