काठमाडौं । प्रधानमन्त्री केपी शर्मा ओली र अन्तर्राष्ट्रिय विकासका लागि अमेरिकी सहायता संस्था (यूएसएआईडी) का प्रमुख सामन्थ पावरबीच भेटवार्ता भएको छ ।

अमेरिकाको न्युयोर्कमा रहेका प्रधानमन्त्री ओली र यूएसएआईडीका प्रमुख पावरबीच आज भेटवार्ता भएको हो ।

भेटमा यूएसएआईडीले नेपालमा गर्दै आएको सहयोग र आगामी दिनमा यसलाई थप बढाउने र कसरी प्रभावकारी बनाउन सकिन्छ भन्ने विषयमा छलफल भएको छ ।

संयुक्त राष्ट्रसङ्घको ७९औँ महासभामा भाग लिन प्रधानमन्त्री ओली केही दिनदेखि न्युयोर्कमा रहेका छन् ।