काठमाडाैं । सुदूरपश्चिम प्रदेशमा थप ३७ जना प्रहरीमा कोरोना संक्रमण पुष्टि भएको छ।

सेती प्रादेशिक अस्पतालको प्रयोगशालामा बिहीबार भएको परीक्षणमा धनगढीको सशस्त्र प्रहरी गणका ३७ जना प्रहरीमा संक्रमण पुष्टि भएको हो ।

योसँगै बिहीबारसम्म सुदूरपश्चिमका ८३ जना प्रहरीमा कोरोना संक्रमण पुष्टि भएको छ।

प्रदेश प्रहरी कार्यालय दिपायलका वरिष्ठ प्रहरी उपरीक्षक मुकेश सिहले संक्रमित ८३ मध्ये हालसम्म २९ जना निको भएका र बाँकी ५४ जना उपचाररत रहेको बताए। प्रदेशमा हालसम्म २ हजार ३ सय ३५ प्रहरी कर्मचारीको कोरोना परीक्षण गरिएको छ ।