एजेन्सी । लेबनानमा इजरायलको हवाई आक्रमणमा हिजबुल्लाहका अर्का कमाण्डर पनि मारिएका छन् ।

शुक्रबार लेबनानको राजधानी बेरूतस्थित दक्षिणी क्षेत्रको ठूला ठूला भवनहरू रहेको ठाउँमा इसराइलले मिसाइल प्रहार गरेको थियो।

हमलामा हिजबुल्लाहका अर्का कमाण्डर अहमद वाहबी मारिएको बताइएको छ ।

मिसाइल प्रहार हुँदा भत्किएका घरहरूको भग्नावशेषमा उनी पुरिएका थिए।

भग्नावशेषबाट थप ६ जनाको शव निकालिएको थियो।

शनिबार ३१ जनाको मृत्यु भएको भनिएकोमा सो संख्या बढेर ३७ पुगेको बताइएको छ ।