झापा । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सुशासनको सुई बालकोट र बूढानीलकण्ठतिर सोझिएपछि सरकार ढलेको बताएका छन् ।

झापामा आयोजित एक कार्यक्रममा बोल्दै अध्यक्ष प्रचण्डले यस्तो बताएका हुन् । उनले गिरिबन्धु र नक्कली भुटानी शरणार्थी प्रकरणको अनुसन्‍धानपछि रातारात आफ्नो सरकार ढालेको बताए।

अनुसन्धानले बुढानिलकण्ठ र बालकोटतिर संकेत गरेपछि रातारात सरकार ढालेको उनको भनाई छ ।

अध्यक्ष प्रचण्डले भने,‘नक्कली भुटानी शरणार्थीसँग सम्बन्धित अभियुक्तहरू जो खराब थिए। ती खराब अभियुक्तहरू गिरफ्तार गरिएपछि र गिरीबन्धु टी-इस्टेटको बारेमा अदालत समेतको फैसलाका आधारमा अगाडि बढ्ने जमर्को गर्दागर्दै खतराको घण्टी, मैले भनेको छु सुइ चाहि अब बुढानिलकण्ठ र बालकोटतिर सिधै सोझियो।’

यसरी दुई ठूला दल मिलेर सरकार बनाउने घटना संसारमै सामान्य नभएको पनि उनले बताए।

दुई जनालाई मात्रै गिरफ्तार गर्दा सिधै त्यसको तार बुढानिलकण्ठ र बालकोटतिर सोझिएपछि आफु नेतृत्वको सरकार ढलेको अध्यक्ष प्रचण्डले बताए ।