काठमाडौं । नेपाली कांग्रेसका सभापति शेरबहादुर देउवाले कुनै पार्टीलाई पनि सिध्याउने नीति कांग्रेसको नरहेको बताएका छन् ।

बिहीबार कांग्रेस मुख्यालय सानेपामा कांग्रेसले नेतृत्व गरेका उत्कृष्ट गाउँ/नगरपालिकालाई सम्मान गर्दै सभापति देउवाले सो कुरा बताएका हुन् ।

उनले मुलुकको आवश्यता अनुसार एमाले–कांग्रेस मिलेर सरकार बनाएको भन्दै अरु पार्टीलाई सिध्याउने नीति कांग्रेसको नभएको बताए ।

देशभरका आम पार्टीका नेताहरुको भावनाअनुसार नै एमालेसँग मिलेर सरकारमा गएको पनि उनको भनाई छ ।