काठमाडौं । काठमाडौं प्रवेश गर्ने मुख्य नाका नागढुंगामा लेदोसहितको पहिरो खस्दा अवरूद्ध बनेको राजमार्ग दुईतर्फी सञ्चालनमा आएको छ।

धादिङको धुनिबेँसी नगरपालिका-९ स्थित खत्रीपौवामा सोमबार साँझ ६ बजेतिर लेदोसहितको पहिरो खसेर अवरूद्ध भएको त्रिभुवन राजमार्ग मंगलबार बिहानदेखि दुईतर्फी सञ्चालनमा आएको हो ।

लेदोसहितको पहिरो खस्दा झण्डै ७ घण्टा अवरुद्ध सडक गएराति देखि खुलेको प्रहरी प्रभाग नागढुङ्गाले जनाएको छ ।

धादिङको धुनिबेसी नगरपालिका–९ सुरुङमार्ग नजिक सडकमाथिबाट लेदोसहितको पहिरो खसेको थियो । सडक अवरुद्ध हुँदा काठमाण्डौबाट छुटेका तथा भित्रिदै गरेकासाना ठूला सयौँ गाडी र यात्रु रोकिएका थिए ।