काठमाडौं । नेपाल प्रहरीका नायव महानिरीक्षक (डीआईजी) दान बहादुर कार्कीको शब्द रचनामा ‘फूलको बासना सरी’ गीत सार्वजनिक भएको छ ।

शनिबार ‘नेपाल प्रहरी’ र ‘आरटी इन्टरटेन्टमेन्ट’ युट्युब च्यानलबाट सो गीत सार्वजनिक गरिएको हो ।

सो गितमा चर्चित संगीतकार दीपक शर्माले संगीत भरेका छन् । गीतमा चर्चित गायक राजेश पायल राई, मेलिना राई, बेनिसा पौडेल र गायक समीर खरेलको स्वर रहेको छ ।

गीतमा रमेश उप्रेती, प्रियंका कार्की, प्रकाश सपुत र बेनिशा हमालको अभिनय देख्न सकिन्छ ।

गीतको भिडियो निर्देशन चर्चित निर्देशक गम्भीर बिष्ट र कन्सेप्ट सरोज ओलीको रहेको छ । सो गीतमा नेपाल प्रहरीको पीडा र भावना समेटिएको छ । डीआईजी कार्की नेपाल प्रहरीका प्रवक्तासमेत हुन् ।