बर्दिया । बर्दियामा गैंडाको आक्रमणबाट एक जना गाइडको मृत्यु भएको छ ।

बर्दिया राष्ट्रिय निकुञ्जको मध्यवर्ती इलाका मधुवन नगरपालिका – ६ स्थित डल्ला सामुदायिक वनमा गैँडाको आक्रमणबाट शुक्रबार एक जनाको मृत्यु भएको हो ।

मृत्यु हुनेमा ठाकुरबाबा नगरपालिका-९ बस्ने ३५ वर्षीय गाइड मनमोहन चौधरी रहेका छन् । एक अमेरिकी नागरिकसहित दुई जना घाइते भएका छन् ।

घाइतेमध्ये विदेशी नागरिकको अवस्था भुरीगाउँ नगर अस्पतालमा उपचार भइरहेको छ भने अर्का घाइतेको अवस्था सामान्य रहेको छ ।

अमेरिकी नागरिक मिक लेन्डन शवन बिहीबार राति ठाकुरबाबा नगरपालिका-९ शिवपुरस्थित बर्दिया होमस्टेमा आएर बसेका थिए।

शुक्रबार बिहान अन्दाजी ८ बजे शवनलाई लिएर ३५ वर्षीय गाइड मनमोहन चौधरी र ५८ वर्षीय वनका चौकीदार खिन्चु थारू जंगल वाकका लागि गएको जिल्ला प्रहरी कार्यालय बर्दियाले जनाएको छ।