काठमाडौं । पोखरा महानगरपालिकाकी सबइन्जिनियर उषाकिरण रोकाया र गोदार इन्जिनियरिङ कन्सल्टेन्सी सेवाका सुरज कुँवर भ्रष्टाचार मुद्दामा दोषी ठहर भएका छन् ।

बिहीबार विशेष अदालतले रोकाया र कुँवरलाई दोषी ठहर गरेको हो । अदालतका अनुसार रोकायालाई ८ महिना कैद र १ लाख ७५ हजार रुपैयाँ जरिवानाको फैसला भएको छ ।

यस्तै सोही मुद्दामा प्रतिवादी रहेका कुँवरलाई ४ महिना कैद र ८७ हजार ५ सय रुपैयाँ जरिवाना गरिएको बताइएको छ ।

साथै ऋषिप्रसाद बरालले बैंकमा दाखिला गरेको २ लाख रुपैयाँ जफत गरेर उजुरी कर्तालाई भराइदिन पनि अदालतले भनेको छ ।