काठमाडौं । संविधान दिवसको दिन छुट्ने कैदीबन्दीहरुको नाम सार्वजनि भएको छ ।

कारागार व्यवस्थापन विभागले एक हजार भन्दा बढी कैदीबन्दीहरुको कैदकट्टा गर्न सूची सार्वजनिक गरेको हो।

कारागार व्यवस्थापन विभागले ५० प्रतिशत कैद भुक्तान गरेका चार सय १९ जना, दुई जना जेष्ठ नागरिक र ४० प्रतिशत कैद भुक्तान गरेका ७१ जना गरी जम्मा कूल चार सय ९२ जना कैदीबन्दीको कैदकट्टा सिफारिस गर्न सूचना प्रकाशन गरेको छ ।

सिफारिस भएका कैदीबन्दीको कैदकट्टा सिफारिसविरूद्ध कुनै उजुरी र गुनासो भएमा सात दिनभित्र तथ्य प्रमाणसहित विभागमा उपस्थित हुन विभागले जारी गरेको सूचनामा उल्लेख छ।

गणतन्त्र दिवसको दिन छुट्न सिफारिस भएका छ सय २० जना र संविधान दिवसको दिनका लागि चार सय ९२ जना गरी जम्मा एक हजार एक सय १२ जनालाई छाड्ने विभागको तयारी छ।

गणतन्त्र दिवस, संविधान दिवस, प्रजातन्त्र दिवस र दसैं-तिहारको बेलामा कैदीबन्दीहरू छाड्ने गरिएको छ।

मन्त्रिपरिषदबाट राष्ट्रपतिसमक्ष सिफारिस पठाइसकेपछि संविधान दिवसका दिन एकैपटक एक हजारभन्दा बढी कैदीबन्दीहरू छुट्न लागेका हुन्।