काभ्रे । काठमाडौं उपत्यका प्रवेश गर्ने साँगा नाकामा खटिएका ८ जना सुरक्षाकर्मीमा कोरोना भाइरसको संक्रमण पुष्टि भएको छ ।

नाकामा खटिएका ८ जना सशस्त्र प्रहरीमा मंगलबार कोरोना संक्रमण पुष्टि भएको स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्रकुमार झाले जानकारी दिए ।

भदौ १८ गते साँगामा नै खटिएका दुई सशस्त्र प्रहरीमा कोरोना संक्रमण पुष्टि भएको थियो । सशस्त्र प्रहरी बल १५ नम्वर गण पाँचखालको टोली अस्थायी पोष्ट बनाएर साँगामा खटिएको छ । हालसम्म जिल्लाका ४० सुरक्षाकर्मीमा कोरोना संक्रमण पुष्टि भएको छ ।