रुपन्देही । अर्थमन्त्री विष्णुप्रसाद पौडेलले उद्योगी व्यवसायीलाई सरकारले प्रोत्साहन गर्नेगरी नीति ल्याउने बताएका छन्।

रुपन्देहीमा आयोजित नेपाली उद्यमी मन्चको सातौं राष्ट्रिय नेतृत्वसीप सम्मेलनको उद्घाटन गर्दै अर्थमन्त्री पौडेलले यस्तो बताएका हुन् ।

उनले यही सरकारबाट नै स्थिरता सम्भव रहेको बताए। अर्थमन्त्री पौडेलले मुलुकको अर्थतन्त्रका विभिन्न सूचकांक सकारात्मक नभएकाले सरकार दबाबमा रहेको बताए ।

उनले यसमा सुधार ल्याउनका लागि सरकारले केही योजना अगाडि सारेको समेत बताए ।

अर्थमन्त्री पौडेलले देशको आर्थिक अवस्थाको चित्रण गर्दै अहिले सार्वजनिक ऋण २४ खर्बभन्दा बढी रहेको र यो बढ्दै गएका कारण अब कस्तो ऋण लिने भन्ने चिन्ता बढाएको बताए ।